የኮሮና ቫይረስ (የኮቪድ-19) በሽታ ምላሽ አሰጣጥን አስመልክቶ የተዘጋጀ መግለጫ ሰኔ-22

ባለፉት 24 ሰዓት ውስጥ በተደረገው 3693 የላብራቶሪ ምርመራ 157 ሰዎች የኮሮና ቫይረስ ተገኝቶባቸዋል፡፡ በአጠቃላይ በሀገራችን ቫይረሱ በምርመራ የተገኘባቸው ሰዎች ቁጥር 5846 ደርሷል። ቫይረሱ በምርመራ የተገኘባቸው ሰዎች 97 ወንድ እና 60 ሴት ሲሆኑ የዕድሜ ክልላቸው ከ 7 እስከ 83 ዓመት ውስጥ ይገኛል። በዜግነት 156 ሰዎች ኢትዮጵያውያን ሲሆኑ 1 ሰው የውጭ ሀገር ዜጋ ነው። ቫይረሱ በምርመራ የተገኘባቸው 132 ሰዎች ከአዲስ አበባ ፣ 5 ሰዎች ከአማራ ክልል፣ 5 አዎች ከድሬዳዋ ከተማ አስተዳደር፣ 5 ሰዎች ከአፋር ክልል፣ 3 ሰዎች ከትግራይ ክልል፣ 3 ሰዎች ከሶማሊ ክልል፣ 3 ሰዎች ከኦሮሚያ ክልል እና 1 ሰው ከቤኒሻንጉል ጉምዝ ክልል ናቸው።

ከጠቅላላው የላብራቶሪ ምርምራ ውስጥ 52 ናሙናዎች (28 ከጤና ተቋም እና 24 ከማህበረሰብ በተወሰደ ናሙና) በአስክሬን ላይ የተደረገ የላብራቶሪ ምርምራ ሲሆን 4 ናሙናዎች የኮሮና ቫይረስ ተገኝቶባቸዋል። ከዚህ ባለፈ አንድ በህክምና ማዕከል ውስጥ በህክምና ላይ የነበረ ሰው ህይወት አልፏል። በአጠቃላይ በሀገራችን ቫይረሱ የተገኘባቸው እና ህይወታቸው ያለፈ ሰዎች ቁጥር 103 ደርሷል፡፡ በህልፈተ ህይወታቸው የተሰማንን ጥልቅ ሀዘን እየገለጽን ለቤተሰቦቻቸው መፅናናትን እንመኛለን። ህይወታቸው ያለፈ ሰዎች ዝርዝር ሁኔታ እንደሚከለው ቀርቧል፡፡

ተ.ቁ	የመኖሪያአድራሻ	ጾታ	ዕድሜ	ማብራሪያ
1	አዲስ አበባ	ወንድ	34	ከአስክሬን ላይ የተወሰደ ናሙና (ከጤና ተቋም)
2	አዲስ አበባ	ወንድ	65	ከአስክሬን ላይ የተወሰደ ናሙና (ከጤና ተቋም)
3	ትግራይ	ወንድ	10	ከአስክሬን ላይ የተወሰደ ናሙና (ከጤና ተቋም)
4	አዲስ አበባ	ሴት	70	ከአስክሬን ላይ የተወሰደ ናሙና (ከማህበረሰብ)
5	አዲስ አበባ	ወንድ	18	በህክምና ማዕከል በህክምና ላይ የነበረ

በሌላ መልኩ በትላንትናው ዕለት 298 ሰዎች (200 ከአዲስ አበባ፣ 87 ከሶማሊ ክልል፣ 9 ከአማራ ክልል፣ 1 ከኦሮሚያ ክልል እና 1 ከድሬደዋ ከተማ አስተዳደር) ያገገሙ ሲሆን በአጠቃላይ በሀገራችን ከበሽታው ያገገሙ ሰዎች ቁጥር 2430 ነው።

በሀገራችን የኮሮና ቫይረስ የሁኔታ መግለጫ

አጠቃላይ የተከናወነ የላብራቶሪ ምርመራ	250,604
በሃያ አራት ሰዓት ውስጥ የተከናወነ የላብራቶሪ ምርመራ	3693
በዛሬው ዕለት በበሸታ መያዛቸው በላብራቶሪ የተረጋገጠ	157
በአሁኑ ሰዓት ቫይረሱ ያለባቸው	3,311
በፀና የታመሙ ሰዎች ቁጥር	35
አዲስ ያገገሙ	298
በአጠቃላይ ያገገሙ	2,430
በዕለቱ ከኮሮና ቫይረስ ጋር በተገናኘ ህይወታቸው ያለፈ ሰዎች	5
በአጠቃላይ በበሽታው ሕይወታቸው ያለፈ	103
ወደ ሀገራቸው የተመለሱ	2
እስከ አሁን ድረስ በበሽታው የተያዙ ሰዎች ቁጥር	5,846

የላብራቶሪ ምርመራ ናሙናዎች ከተለያዩ ይበልጥ ተጋላጭ ከሆኑ የማህበረሰብ ክፍሎች፣ ከጤና ተቋማት፣ በቫይረሱ ከተያዘ ሰው ጋር የቅርብ ንክኪ ካላቸው ሰዎች እንዲሁም በአስገዳጅ ለይቶ ማቆያ ውስጥ ካሉ ሰዎች ተወስዶ የተከናወነ ነው፡፡

በማንኛውም ሰዓት ጥቆማ ለመስጠትና መረጃ ለማግኘት እንዲሁም በቫይረሱ መያዛቸው ከተረጋገጡ ሰዎች ጋር የቅርብ ንክኪ ያላቸው ግለሰቦች ሪፖርት ለማድረግ በነፃ የስልክ መስመር 8335 ወይም በ952 ወይም በኢሜል አድራሻችን ephieoc@gmail.com በመጠቀም ወይም ባሉበት ክልል በተዘጋጁ ነፃ የስልክ መስመሮች በመደወል ሪፖርት እንዲያደርጉ ወይም በአካባቢው ለሚገኙ ጤና ተቋማት በስልክ እንዲያሳውቁ እንጠይቀለን።

ዶ/ር ሊያ ታደሰ

የጤና ሚኒስትር ሰኔ 22 ቀን 2012 ዓ.ም