ባለፉት 24 ሰዓት ውስጥ በተደረገው 5414 የላብራቶሪ ምርመራ 250 ሰዎች የኮሮና ቫይረስ ተገኝቶባቸዋል፡፡ በአጠቃላይ በሀገራችን ቫይረሱ በምርመራ የተገኘባቸው ሰዎች ቁጥር 5425 ደርሷል። ቫይረሱ በምርመራ የተገኘባቸው ሰዎች 158 ወንድ እና 92 ሴት ሲሆኑ የዕድሜ ክልላቸው ከ 3 ወር እስከ 90 ዓመት ውስጥ ይገኛል። በዜግነት 240 ሰዎች ኢትዮጵያውያን ሲሆኑ 10 ሰዎች የውጭ ሃገር ዜጋ ናቸው። ቫይረሱ በምርመራ የተገኘባቸው 177 ሰዎች ከአዲስ አበባ ፣ 21 ሰዎች ከትግራይ ክልል፣ 20 ሰዎች ከአማራ ክልል፣ 18 ሰዎች ከጋምቤላ ክልል፣ 8 ሰዎች ከኦሮሚያ ክልል፣ 4 ሰዎች ከሶማሊ ክልል፣ 1 ሰው ከድሬዳዋ ከተማ አስተዳደር እና 1 ሰው ከቤኒሻንጉል ጉምዝ ክልል ናቸው።
ከጠቅላላው የላብራቶሪ ምርምራ ውስጥ 32 (11 ከጤና ተቋም እና 21 ከማህበረሰብ በተወሰደ ናሙና) ናሙናዎች በአስክሬን ላይ የተደረገ የላብራቶሪ ምርምራ ሲሆን 6 ናሙናዎች የኮሮና ቫይረስ ተገኝቶባቸዋል። ከዚህ ባለፈ ሁለት በህክምና ማዕከል ውስጥ በህክምና ላይ የነበሩ ሰዎች ህይወት አልፏል። በአጠቃላይ በሀገራችን ቫይረሱ የተገኘባቸው እና ህይወታቸው ያለፈ ሰዎች ቁጥር 89 ደርሷል፡፡ በህልፈተ ህይወታቸው የተሰማንን ጥልቅ ሀዘን እየገለጽን ለቤተሰቦቻቸው መፅናናትን እንመኛለን፡፡ ህይወታቸው ያለፈ ሰዎች ዝርዝር ሁኔታ እንደሚከለው ቀርቧል፡፡
| ተ.ቁ | የመኖሪያ አድራሻ | ጾታ | ዕድሜ | ማብራሪያ |
| 1 | ድሬዳዋ | ወንድ | 40 | በህክምና ማዕከል በህክምና ላይ የነበረ |
| 2 | አዲስ አበባ | ወንድ | 26 | በህክምና ማዕከል በህክምና ላይ የነበረ |
| 3 | አዲስ አበባ | ሴት | 70 | በጤና ተቋም በህክምና ላይ የነበሩ |
| 4 | አዲስ አበባ | ወንድ | 80 | ከአስክሬን ላይ የተወሰደ ናሙና |
| 5 | አዲስ አበባ | ሴት | 27 | ከአስክሬን ላይ የተወሰደ ናሙና |
| 6 | አዲስ አበባ | ሴት | 65 | ከአስክሬን ላይ የተወሰደ ናሙና |
| 7 | አዲስ አበባ | ወንድ | 65 | ከአስክሬን ላይ የተወሰደ ናሙና |
| 8 | አዲስ አበባ | ሴት | 60 | ከአስክሬን ላይ የተወሰደ ናሙና |
በሌላ መልኩ በትላንትናው ዕለት 144 ሰዎች (123 ከአዲስ አበባ፣ 7 ከአማራ ክልል፣ 7 ከትግራይ ክልል፣ 5 ከሶማሊ ክልል፣ እና 2 ከኦሮሚያ ክልል) ያገገሙ ሲሆን በአጠቃላይ በሀገራችን ከበሽታው ያገገሙ ሰዎች ቁጥር 1688 ነው።
በሀገራችን የኮሮና ቫይረስ የሁኔታ መግለጫ
| አጠቃላይ የተከናወነ የላብራቶሪ ምርመራ | 237,464 |
| በሃያ አራት ሰዓት ውስጥ የተከናወነ የላብራቶሪ ምርመራ | 5414 |
| በዛሬው ዕለት በበሸታ መያዛቸው በላብራቶሪ የተረጋገጠ | 250 |
| በአሁኑ ሰዓት ቫይረሱ ያለባቸው | 3,646 |
| በፀና የታመሙ ሰዎች ቁጥር | 27 |
| አዲስ ያገገሙ | 144 |
| በአጠቃላይ ያገገሙ | 1,688 |
| በዕለቱ ከኮሮና ቫይረስ ጋር በተገናኘ ህይወታቸው ያለፈ ሰዎች | 8 |
| በአጠቃላይ በበሽታው ሕይወታቸው ያለፈ | 89 |
| ወደ ሀገራቸው የተመለሱ | 2 |
| እስከ አሁን ድረስ በበሽታው የተያዙ ሰዎች ቁጥር | 5,425 |
የላብራቶሪ ምርመራ ናሙናዎች ከተለያዩ ይበልጥ ተጋላጭ ከሆኑ የማህበረሰብ ክፍሎች፣ ከጤና ተቋማት፣ በቫይረሱ ከተያዘ ሰው ጋር የቅርብ ንክኪ ካላቸው ሰዎች እንዲሁም በአስገዳጅ ለይቶ ማቆያ ውስጥ ካሉ ሰዎች ተወስዶ የተከናወነ ነው፡፡
በማንኛውም ሰዓት ጥቆማ ለመስጠትና መረጃ ለማግኘት እንዲሁም በቫይረሱ መያዛቸው ከተረጋገጡ ሰዎች ጋር የቅርብ ንክኪ ያላቸው ግለሰቦች ሪፖርት ለማድረግ በነፃ የስልክ መስመር 8335 ወይም በ952 ወይም በኢሜል አድራሻችን ephieoc@gmail.com በመጠቀም ወይም ባሉበት ክልል በተዘጋጁ ነፃ የስልክ መስመሮች በመደወል ሪፖርት እንዲያደርጉ ወይም በአካባቢው ለሚገኙ ጤና ተቋማት በስልክ እንዲያሳውቁ እንጠይቀለን፡፡
ዶ/ር ሊያ ታደሰ
የጤና ሚኒስትር
ሰኔ 19 ቀን 2012 ዓ.ም