ባለፉት 24 ሰዓት ውስጥ በተደረገው 3757 የላብራቶሪ ምርመራ ስልሳ አንድ (61) ሰዎች የኮሮና ቫይረስ ተገኝቶባቸዋል፡፡ በአጠቃላይ በሀገራችን ቫይረሱ በምርመራ የተገኘባቸው ሰዎች ቁጥር አራት መቶ ዘጠና አራት (494) ደርሷል፡፡ ቫይረሱ በምርመራ የተገኘባቸው ሰዎች 43 ወንድ እና 18 ሴት ናቸው፡፡ በዜግነት ሁሉም ኢትዮጵያውያን ሲሆኑ ከ 15 እስከ 70 ዓመት የዕድሜ ክልል ውስጥ የሚገኙ ናቸው። ቫይረሱ በምርመራ የተገኘባቸው አርባ ስምንት (48) ሰዎች ከአዲስ አበባ (አምስት ሰዎች በበሽታው ከተያዘ ሰው ጋር ግንኙነት ያላቸው እና አርባ ሶስትሰዎች የውጭ ሀገር ጉዞ ታሪክ እና በበሽታው ከተያዘ ሰው ጋር ግንኙነት የሌላቸው) ፣ ሶስት (3) ሰዎች ከአፋር ክልል (በበሽታው ከተያዘ ሰው ጋር ግንኙነት ያላቸው እና በዱብቲ ለይቶ ማቆያ ያሉ) ፣ አንድ (1) ሰው ከአማራ ክልል (የውጭ ሀገር ጉዞ ታሪክ ያለው እና በደሴ ለይቶ ማቆያ ያሉ) ፣ ሰባት (7) ሰዎች ከሶማሊ ክልል (የውጭ ሀገር ጉዞ ታሪክ ያላቸው እና በጅግጅጋ ለይቶ ማቆያ ያሉ) እንዲሁም ሁለት (2) ሰዎች ከኦሮሚያ ክልል (የውጭ ሀገር ጉዞ ታሪክ እና በበሽታው ከተያዘ ሰው ጋር ግንኙነት የሌላቸው ሲሆኑ የቡራዩ እና የሰበታ ከተማ ነዋሪዎች) ናቸው፡፡
- በዛሬው ዕለት የወጣውን ሪፖርት በተመለከተ ተጨማሪ ዝርዝር መግለጫ የሚሰጥ ይሆናል
የዕለቱ ታማሚዎች የተጋላጭነት ሁኔታ እንደሚከተለው ቀርቧል፦
| የተጋላጭነት ሁኔታ | ቫይረሱ የተገኘባቸው ሰዎች ቁጥር |
| የውጭ ሀገር ጉዞ ታሪክ ያላቸው | 11 |
| በበሽታው ከተያዘ ሰው ጋር ግንኙነት ያላቸው | 5 |
| የውጭ ሀገር ጉዞ ታሪክ እና በበሽታው ከተያዘ ሰው ጋር ግንኙነት የሌላቸው | 45 |
| ድምር | 61 |
በሌላ መልኩ በትላንትናው ዕለት ሃያ ሶስት (23) ሰዎች (14 ሰዎች ከአዲስ አበባ እና 9 ሰዎች ከአፋር ክልል) ከበሽታው ያገገሙ ሲሆን በአጠቃላይ በሀገራችን ከበሽታው ያገገሙ ሰዎች ቁጥር አንድ መቶ ሃምሳ አንድ (151) ነው።
የላብራቶሪ ምርመራ ናሙናዎች ከተለያዩ ይበልጥ ተጋላጭ ከሆኑ የማህበረሰብ ክፍሎች፣ ከጤና ተቋማት፣ በቫይረሱ ከተያዘ ሰው ጋር የቅርብ ንክኪ ካላቸው ሰዎች እንዲሁም በአስገዳጅ ለይቶ ማቆያ ውስጥ ካሉ ሰዎች ተወስዶ የተከናወነ ነው፡፡
በሀገራችን የኮሮና ቫይረስ የሁኔታ መግለጫ
| አጠቃላይ የተከናወነ የላብራቶሪ ምርመራ | 76,962 |
| በሃያ አራት ሰዓት ውስጥ የተከናወነ የላብራቶሪ ምርመራ | 3757 |
| በዛሬው ዕለት በበሸታ መያዛቸው በላብራቶሪ የተረጋገጠ | 61 |
| በአጠቃላይ በቫይረሱ ተይዘው በለይቶ ከህክምና ውስጥ ያሉ | 336 |
| በፅኑ ህክምና ላይ ያሉ | 0 |
| አዲስ ያገገሙ | 23 |
| በአጠቃላይ ያገገሙ | 151 |
| በበሽታው ሕይወታቸው ያለፈ | 5 |
| ወደ ሀገራቸው የተመለሱ | 2 |
| እስከ አሁን ድረስ በበሽታው የተያዙ ሰዎች ቁጥር | 494 |
የጤና ሚኒስቴር እና የኢትዮጵያ የሕብረተሰብ ጤና ኢንስቲትዩት ለመላዉ የእስልምና እምነት ተከታዮች እንኳን ለኢድ አልፈጥር በሰላም አደረሳችሁ እያልን በዓሉን ስናከብር የኮሮና ቫይረስ በሽታን ለመከላከል የሚከተሉትን ተግባራት እንፈፅም
- ዘካተል ፊጥር በምንሰጣጥበት ጊዜ አካላዊ ርቀታችንን እንጠብቅ
- በበዓል ሰሞን መዘያየር ባህላችን ቢሆንም የዘንድሮዉን ኢድ በስልክ በመጠያየቅ እናሳልፍ
- ለበዓል ግብይት ስንወጣ የአፍና አፍንጫ መሸፈኛ ወይም ጨርቅ እናድርግ
- አከባቢያችን ባለ ገበያ አካላዊ ርቀታችንን ጠብቀን እንገበያይ እንዲሁም ገንዘብም ሆነ ሌሎች ቁሳቁሶቸን ከነካን በኋላ እጃችንን በውሃና ሳሙና ወይም አልኮል ባለዉ የጀርም ማፅጃ(ሳኒታይዘር) እናፅዳ፣
ይህንንና ሌሎች የጥንቃቄ ተግባራትን በመፈፀም ቤተሰባችንንና ወዳጆቻችንን ከቫይረሱ እንጠብቅ::
በማንኛውም ሰዓት ጥቆማ ለመስጠትና መረጃ ለማግኘት እንዲሁም በቫይረሱ መያዛቸው ከተረጋገጡ ሰዎች ጋር የቅርብ ንክኪ ያላቸው ግለሰቦች ሪፖርት ለማድረግ በነፃ የስልክ መስመር 8335 ወይም በ952 ወይም በመደበኛ የስልክ ቁጥር 0118276796 በመደወል ወይም በኢሜል አድራሻችን ephieoc@gmail.com በመጠቀም ወይም ባሉበት ክልል በተዘጋጁ ነፃ የስልክ መስመሮች በመደወል ሪፖርት እንዲያደርጉ ወይም በአካባቢው ለሚገኙ ጤና ተቋማት በስልክ እንዲያሳውቁ እንጠይቀለን፡፡
ዶ/ር ሊያ ታደሰ
የጤና ሚኒስትር
ግንቦት 15 ቀን 2012 ዓ.ም